A UDC achega un novo lote de material informático en empréstamo
martes, 10 de novembro do 2020
A
UDC,
a través da Vicerreitoría de Estudantes e co obxectivo de loitar
contra a fenda dixital nos seus campus, vén de abrir unha
convocatoria para emprestar material informático ao alumnado
“que careza dos medios precisos poida acceder á docencia virtual e
á correspondente avaliación”. A duración do préstamo do
material informático será, como máximo, até o remate dos exames
do primeiro cuadrimestre o cinco de febreiro do próximo ano.
O
material a ceder está composto por 41 ordenadores portátiles (Intel
Celeron – 4GB de RAM; 64 GB HDD; 14,1 polgadas); 113 cámaras Wi-Fi
para utilizar como Webcam; e 169 tarxetas SIM de datos da operadora
Orange (90GB/mes), de cesión libre, que se activarán para un
período de tres meses con posibilidade de ampliar o contrato por
conta propia. O alumnado deberá posuír un dispositivo axeitado para
o uso da tarxeta SIM190. A UDC lembra que a solicitude do ordenador
portátil e da cámara Wi-Fi exclúense entre si, e que o prazo de
solicitude comprenderá das 00.01 horas do día 11/11/2020 ata as
23.59h. do día 24/11/2020.
Este
plan de préstamo é o segundo que abre a UDC este curso, ao abeiro
do Programa Supera COVID, co obxectivo de “paliar a situación
xerada pola crise sanitaria ocasionada pola COVID-19”, para que o
alumnado, de grao ou mestrado oficiais, poida continuar coa súa
formación universitaria. En total,
prestaranse 89 portátiles, 226 cámaras web e 359 tarxetas de datos.
Máis información.