A Rede medra en servizos e guÃas para axudarnos a ter a mellor experiencia co comercio electrónico
martes, 26 de marzo do 2013
O
comercio electrónico semella traballar á inversa cá crise. Mentres
esta se incrementa dramaticamente, aquel refórzase e experimenta
importantes procesos de medre. Certo é que unha cousa non ten moito
que ver coa outra, xa que a suba do ecommerce
non
implica que se merque ou se venda máis, simplemente indica que se
merca e se vende máis en Internet. Con todo, non deixa de ser
rechamante a devandita suba. O Informe
de Comercio Electrónico do IV Trimestre de 2011
certifÃcanos este medre (do
25,7% en 2011 con respecto a 2010),
un proceso que para a firma Elogia semella representar unha proba de
que as
ofertas
on line amósanse inmunes ao ambiente de crise xeral.
Isto
polo que respecta ás boas novas. As relativamente malas teñen que
ver, en certa medida, coa propia natureza do comercio, con
independencia de que sexa electrónico ou non. Ou sexa, que cómpre
animarse ao ecommerce,
pero con idénticas precaucións que porÃamos en xogo de irmos ao
mercadiño ou de tendas. Para facilitarnos este cambio de costumes,
figuran cada pouco na Rede recursos que actúan a xeito de guÃa.
Un
dos máis recentes é o que vén de publicar Shoppydoo.es,
a rede de comparadores de prezos e produtos. Máis polo miúdo,
trátase dunha guÃa básica de termos para axudar a entender o
funcionamento desta novas prácticas. Shoppydoo artellou esta guÃa
en dúas partes. A primeira inclúe termos ou elementos
que se poden atopar nunha páxina web (páxina de inicio ou portada,
caixa de procura, selos de confianza e certificados, carriño de
compra, códigos desconto, pasarelas de pago ou cookies).
Doutra banda, a segunda parte deste manual debulla os tipos de
páxinas que pode atopar un usuario en Internet co fin de poder
distinguilas. Amais da de Shoppydoo, tamén temos en liña a
exhaustiva investigación de INTECO
(máis orientada aos vendedores que queiran pór seus artigos nas
plataformas dixitais) ou, nunha liña semellante, O Libro
Branco do Comercio Electrónico, elaborado e publicado por
Adigital para favorecer as mellores prácticas neste ámbito.
Atendendo máis ao consumidor, a
organización FACUA tamén ten publicado interesantes consellos para
non acabarmos ensarillados nunha das peores facianas visÃbeis do
comercio electrónico: o correo lixo.
Polo que respecta aos
tipos de páxinas que figuran nestes e noutros manuais, temos
primeiramente a tenda en liña, que é aquela onde podemos adquirir o
produto ou servizo desexado e no que se debe ter en conta que unha
tenda en liña á súa vez pode ter unha tenda fÃsica ou tradicional
coas vantaxes ou inconvenientes que isto poida supor. Tamén están
os marketplaces, que son emprazamentos en liña cuxa función
consiste en ser puntos de encontro entre vendedores e compradores,
onde se realizan as propias transaccións de compra/venda sen ser una
propia tenda online. Os marketplaces xorden como unha
resposta á procura de economÃas de escala por parte das empresas.
Outro tipo de web é o club de vendas privado e outlets, que
decote reúnen ofertas de artigos de marcas de luxo que, en ocasións,
non posúen tenda na Rede ou non teñen experiencia en comercio
electrónico beneficiándose do que estas lles pode achegar. Logo
están os comparadores de prezos, plataformas que axudan ao usuario a
atopar o mellor prezo na Rede (non son páxinas de venda directa,
senón webs que comparan de forma rápida e sinxela produtos e
ofertas das tendas online, ofrecendo ao usuario a mellor
opción). E tamén tempos as web couponing ou páxinas de
descontos (que ofrecen aos seus visitantes determinados cupóns
descontos en diferentes establecementos, normalmente nun perÃodo de
tempo moi curto) e máis as web de poxas.