A OSL da USC participa no Document Freedom Day ’09
mércores, 25 de marzo do 2009
Hoxe celébrase a
nivel mundial o Document
Freedom Day ’09 (DÃa Mundial da Liberación de Documentos), iniciativa que
pretende educar ao público na importancia do uso de formatos de documentos
libres e estándares abertos en xeral, figurando entre as 13 entidades participantes
en España a Oficina de Software Libre da
Universidade de Santiago de Compostela, que colaborará coa liberación de
documentación e difusión de formatos que garantan a interoperabilidade da
comunidade universitaria.
Amais, durante
o mes de abril percorrerá os centros universitarios coa iniciativa Puntos de Información nas Facultades
(PIF), que aconsellará e difundirá o uso de sistemas operativos e
formatos libres e abertos.