A ONU debaterá sobre a situación das linguas minoritarias na Rede
martes, 4 de setembro do 2007
- Nitin Desai, secretario xeral da ONU para a Gobernabilidade na Internet
O Foro de Gobernabilidade da Internet patrocinado
pola ONU debaterá sobre a promoción do uso das linguas minoritarias no encontro
que terá lugar en Río de Janeiro do 12 ó 15 de novembro, repetindo así unha polémica que xa se tratara
en Atenas.
O secretario xeral da ONU para a Gobernabilidade na Internet, Nitin Desai,
explicou nunha rolda de prensa en Xenebra que durante o vindeiro encontro procurarán
buscar unha forma de promover o uso de linguas minoritarias, especialmente
as que non se escriben con grafía latina.
Tamén se debaterá sobre cuestións como a promoción dos contidos locais e da
diversidade cultural, a seguridade na Rede, a loita contra os delitos electrónicos
e o acceso dos grupos marxinados.
Desai tamén destacou que esta será a segunda xuntanza en tratar tales problemáticas,
pero procurarán celebrar 5 máis, aínda que traballarán en “solucionar as cuestións máis urxentes”.