A Mesa require a dispoñibilidade da ferramenta xudicial Minerva en galego
xoves, 21 de xaneiro do 2021
A
Mesa
pola Normalización Lingüística vén de emitir un comunicado no que
denuncia a escasa presenza do galego no ámbito da xustiza, non
só a nivel presencial (só nos xulgados do social o emprego da nosa
lingua é inferior ao 1%) senón tamén a nivel dixital, xa que,
segundo fai saber a plataforma, a aplicación Minerva (que é a
ferramenta coa que se tramitan os expedientes) non está dispoñíbel
en en galego. Isto, din, “fai na práctica imposíbel o uso da nosa
lingua por parte das e dos profesionais da administración pública
de xustiza”.
Asemade,
engaden dende A Mesa, este estado de cousas “incumpre de xeito
sistemático o contemplado no artigo 9 da Carta europea das linguas
minorizadas, que sinala que a petición dunha das partes os proceso
xudiciais realizaranse na lingua minorizada”.
Neste
punto, A Mesa reflicte un informe recente do sindicato CIG, que fai
saber que malia que son presentadas dende a nosa terra o 20% das
demandas do social, e pese a que solicita sempre o uso do galego
nestes procedementos, “só teñen resposta positiva con respecto ao
uso da nosa lingua en menos do 1% dos casos”.
Perante
isto, a entidade de defensa da lingua solicitou unha xuntanza co
director xeral de xustiza da Xunta de Galiza para o instar a que
inicie canto antes a tradución da aplicación Minerva e dos seus
modelos.
Lembrar
que Minerva, para que non o saiba, é a ferramenta estatal e
privativa de xestión procesual que soporta a tramitación da
información relativa aos procedementos xudiciais, de forma que
calquera órgano xudicial implicado na tramitación dun determinado
procedemento poida acceder á información asociada ao mesmo.