A III edición da xornada de usuarios de R celebrarase na Facultade de Matemáticas da USC
luns, 10 de outubro do 2016
A
Facultade de
Matemáticas da Universidade de Santiago de Compostela (USC)
servirá de centro de reunión para a III
Xornada de usuarios de R en Galicia. Un encontro que se levará a
cabo o xoves 20 de outubro e que está organizado pola Oficina de
Software Libre do CIXUG, patrocinada pola Axencia para a
Modernización Tecnolóxica de Galicia (AMTEGA) coa colaboración da
Facultade de Matemáticas da USC.
O eixo que moverá esta
xuntanza será partillar coñecementos e experiencias, amais de
socializar e contactar con axentes e grupos de traballo.
Para
as persoas interesadas en asistir a esta xornada dicir que a
inscrición é de balde e de libre acceso, mais cómpre
inscribirse a través da propia web do encontro. De non poder
asistir ao evento, existe a posibilidade de seguir a sesión a través
de Internet.
