A Fundación USC Deportiva abre inscrición para o curso de GPS que se celebrará en Lugo no mes de xuño
xoves, 7 de maio do 2015
A Fundación USC
Deportiva organizará
o vindeiro mes de xuño una nova edición do curso básico de manexo
de GPS na Aula Universia da Biblioteca Intercentros do Campus de
Lugo. Segundo informan os organizadores da actividade formativa,
as persoas interesadas en participar nela poden formalizar xa a súa
inscrición a través da páxina web fundacionuscdeportiva.org.
O curso en cuestión encamíñase a permitir que as persoas que
dispoñan de GPS nos seus dispositivos aprendan a sacarlle o máximo
partido a partir de dúas sesións teóricas e dúas probas de campo.
O curso será impartido
por Javier Aradas Mariñas, técnico de sendeiros pola Federación
Española de Montaña e Escalada e a Escola Española de Alta
Montaña, ademais de coordinador da sección de Actividades de
Natureza da Área de Deportes da Universidade da Coruña.
A duración total do
curso será de 9 horas, repartidas en dúas xornadas formativas que
se desenvolverán os días 5 e 12 de xuño. O custo da xornada é de
45 € e as prazas son limitadas a un máximo de 10 participantes,
polo que se recomenda realizar a reserva de praza o antes posible xa
que se respectará rigorosamente a orde de inscrición para a súa
adxudicación.