A Fundación TIC mostrará o talento nos escenarios dos colectivos con diversidade funcional
martes, 23 de outubro do 2018
A
Fundación TIC
da Deputación de Lugo vai visualizar nas redes o importante labor
creativo das persoas con diversidades funcionais ou cognitivas.
Máis polo miúdo, dos colectivos de Viveiro e a súa contorna. Así
o deron a coñecer hoxe a deputada de Promoción Económica e Social,
Sonsoles López Izquierdo, e a concelleira de Cultura de Viveiro,
Lara Fernández Noriega, na presentación do que sería o primeiro
certame de teatro feito por persoas coas ditas capacidades diversas:
o certame Superarte, que
se vai celebrar do 24 ao 28 de outubro no municipio mariñán,
organizado polo Goberno local co apoio do Goberno da Deputación. No
acto tamén participou o coordinador do proxecto, Fabián Ben Conde.
López
Izquierdo fixo saber que “o noso compromiso coa plena integración
social de persoas con diversidade funcional é firme e demostrámolo
no día a día, por exemplo incorporando nas diferentes programacións
cláusulas coas que garantir a igualdade de oportunidades e favorecer
a súa normal participación na sociedade”. Deste compromiso xorde
precisamente o apoio a Superarte, dixo, explicando que se vai
materializar a través da Fundación TIC coa difusión das diferentes
actividades que se realizarán ao longo dos vindeiros catro días. O
traballo da entidade, dependente da Deputación de Lugo, collerá
corpo en diversas pezas audiovisuais, que atoparan plena difusión
nas redes sociais e as diferentes canles do certame, e todo “co
obxectivo de que cada vez máis persoas coñezan Superarte e os
valores que representa”.
Pola
súa banda, a concelleira de Cultura subliñou que “como o propio
nome indica Superarte pretende amosar aos públicos os valores de
superación de todas as persoas e asociacións que forman parte da
mostra teatral e poñer de relevancia os beneficios das artes como
disciplinas integradores e elementos de cohesión social”.
Ademais
de teatro, Superarte inclúe proxeccións cinematográficas, visitas
guiadas, actividades de danza e a mostra Enfocando Historias,
que acollerá a sala multiusos da biblioteca municipal, do 25 de
outubro ao 16 de novembro.