A Fundación Camilo José Cela utiliza códigos QR para atraer aos peregrinos
xoves, 1 de agosto do 2013
Para incentivar aos peregrinos do Camiño de Santiago a visitar
a Fundación Camilo José Cela en Iria Flavia (Padrón) ponse en marcha unha campaña promocional consistente
nunha serie de carteis que inclúen códigos QR que facilitarán entradas a prezo
reducido (2 euros) e un exemplar dunha obra dun escritor galego, animando tamén
a visitar o blog da Fundación, no que dan conta que durante
o mes de agosto a Casa Museo estará aberta de 10:00 a 21:00 horas,
programándose as visitas guiadas ás horas en punto.
A Fundación proponse como “un bo lugar para facer un alto no camiño”, tal e
como amosan os carteis que repartíronse en albergues, oficinas de turismo,
bares e diversos lugares de Padrón e arredores, buscando achegar aos peregrinos
ao Museo, como un xeito máis de impulsar a visita ao legado de Camilo José
Cela. Aínda que a campaña vai dirixida a peregrinos, está aberta a calquera
turista que se achegue a Padrón.