A Fundación CEL presenta unha nova edición dos seus premios á innovación empresarial
xoves, 3 de marzo do 2011
A Fundación
CEL presentou esta semana unha nova edición dos seus premios, a número 13,
que xa están abertos á achega de candidaturas. Entre as novidades que se inclúen
nesta nova convocatoria cómpre facer mención dun novo tipo de galardón
destinado a premiar os proxectos promovidos por estudantes lucentes de Formación
Profesional. A Fundación CEL (Iniciativas por Lugo) quere recoñecer con este
novo certame a posta en marcha de propostas empresariais innovadoras e
valentes, con viabilidade e posibilidades de converterse en empresas reais e co
engadido de tirar o máximo partido de todo o que a Sociedade do Coñecemento nos
ofrece.
O concurso preséntase baixo o epÃgrafe Ti emprendes, todos gañamos. Amais do
novo galardón dirixido aos estudantes, vaise dar continuidade á categorÃa de
Premios á Iniciativa Empresarial, un apartado que busca promover a creación de
empresas e accións de investigación aplicables ao seo de aquelas. Esta categorÃa
inclúe as tres modalidades de costume: o Premio a Proxectos de Creación de
Empresas, o Premio a Proxectos Universitarios de Creación de Empresas e o
Premio a Proxectos de Investigación de Innovación Aplicada á Empresa.
Os proxectos recoñecidos en calquera destas catro
categorÃas recibirán unha estatua da Fundación CEL, un diploma de mérito e máis
3.000 euros, asà como a posibilidade de acceder ao financiamento concedido
polas entidades patrocinadoras dos Premios, entre as que se conta
Novacaixagalicia. Amais disto, inclúese nas tres primeiras modalidades do
premio o acceso de balde ao Viveiro de Empresas da Fundación CEL durante un ano
dende a concesión do galardón.
A edición 2011 do certame tamén incorpora de novo a
categorÃa encamiñada a recoñecer o labor de empresas xa consolidadas. Trátase
do Premio á Calidade, á Seguridade Medioambiental e á Protección Medioambiental
e máis o Premio ao Compromiso Social e a Creación de Emprego. A maiores, tamén
se convoca o Premio a Proxectos de Promoción Exterior da Provincia de Lugo.