A Fundación Aula Smart entregará máis de 500 portátiles entre o profesorado
martes, 19 de xaneiro do 2010
A Fundación Aula Smart, creada para
o desenvolvemento e a implantación das TIC no sector educativo, vén de abrir
unha nova convocatoria do seu curso en liña Novas
TecnoloxÃas aplicadas á educación, destinado a todas aquelas persoas que
traballan en réxime xeral en centros educativos concertados e privados, no que
xa hai arestora máis de cincocentos alumnos e alumnas matriculados.
O curso, que é de balde para o
persoal dos devanditos centros, conta cunha subvención do Fondo Social Europeo,
do INEM e da propia Fundación, que é quen xestiona e tramita toda a
documentación a favor dos centros educativos e os profesores.
Todas aquelas persoas que se
matriculen nesta nova convocatoria, que remata o vindeiro 28 de xaneiro, asÃ
como os xa matriculados anteriormente, recibirán de balde cadanseu portátil, e
formaranse en Novas TecnoloxÃas comodamente sen ter que desprazarse ata as
aulas da devandita fundación.
O curso terá unha duración de 2 meses
(de febreiro a marzo deste ano) e contará cun total de 120 horas de formación.
As persoas interesadas en
matricularse que cumpran os requisitos, poderán pedir información e inscribirse
por teléfono no 902 367 963 ou encher o formulario que achegan na páxina
web da fundación.