A Fox estrea blog
mércores, 16 de maio do 2007
A canle
televisiva Fox ábrese á súa audiencia grazas á creación dun novo blog, xestionado por Weblogs, S.L., e que parte dun proxecto
persoal da blogueira coñecida como Chica
de la Tele, e que achegará ós lectores novas, curiosidades e reflexións
interesantes sobre as series que se emiten na canle que se pode achegar tanto a
través da plataforma de satélite Digital+, do operador galego do cable, R, e de
Imagenio.
Dende o novo blog
os usuarios non só terán un espazo para realizar comentarios e suxestións, senón
que tamén se poderán achegar máis á canle televisiva, polo que poderán coñecer
os motivos de cambios de programación inesperados ou os fallos na emisión, xa
que os responsables da bitácora queren amosar a cara humana que hai trala canle
que destaca pola súa aposta polas series de ficción que son todo un referente
na televisión estatal.