A Fonsagrada será o primeiro concello español en levar a cabo o apagamento analóxico
xoves, 21 de febreiro do 2008
- Fernández Iglesias presentando o plan piloto da Fonsagrada
Manuel José Fernández Iglesias, director xeral de
Comunicación Audiovisual, anunciou xunto con Argelio Fernández Queipo, alcalde
do concello da Fonsagrada, que o vindeiro 5 de abril Emilio Pérez Touriño
presidirá na vila luguesa o primeiro
apagamento analóxico de España.
Agardan que asà en 2008 a vila poida dispor «dunha televisión de calidade e
dun servizo como o de ningún concello de toda España»
adiantándose na transición á TDT converténdose «na illa dixital galega».
No acto de presentación deuse a coñecer o plan piloto de transición á
tecnoloxÃa dixital do sinal de televisión no Concello da Fonsagrada, pechándose
este mes a terceira fase do plan, acadando unha cobertura poboacional do 96%.
Para informar ós cidadáns da vila luguesa empregarase unha campaña deseñada
polo humorista gráfico Antonio Fraguas Forges e
baixo o lema o futuro chámase TDT os brañegos
recibirán nas súas vivendas un folleto explicativo do apagamento, no que atoparán
información de cómo adaptarse á nova tecnoloxÃa.
Para facilitar a transición a dixital a Dirección Xeral de Comunicación
Audiovisual fixo entrega ó Concello da Fonsagrada de 1.000
descodificadores de TDT que se comezarán a entragar a partir do 10 de marzo
para que ó tódalas familias da vila poidan dispor de Televisión Dixital
Terrestre.
Este plan pilot conta cun orzamento de 305.000 euros e servirá para
experimentar sobre a transición á TDT, o que beneficiará no futuro a tódolos
galegos. A Fonsagrada foi elixida para este plan pola complexidade de dotar a
tal poboación de TDT, por estar dispersos os seus 4.993 habitnates en máis de
200 núcleos de poboación, o que definirá un marco real de actuación para
avanzar de cara a un apagamento analóxico en toda Galicia en 2010.