A Dirección Xeral de Sociedade da Información, recoñecida cun premio

A Dirección Xeral de Promoción Industrial e de Sociedade da Información recibiu o martes o premio Mundo Empresarial Europeo á institución pública máis salientable de Galiza, sendo o galardón recollido por Helena Veiguela nun acto celebrado en Madrid. Co recoñecemento neste certame, que xa vai pola undécima edición, saliéntase a tarefa do devandito departamento da Consellería de Innovación a prol do afianzamento da Sociedade do Coñecemento na nosa terra, segundo sinalaron os responsables de Mundo Empresarial. Asemade, foi valorado especialmente o PEGSI.