A Deputación e a CEL publicarán online unha exhaustiva radiografía da economía de Lugo
mércores, 30 de decembro do 2020
A
Deputación de Lugo e a Confederación de Empresarios da Provincia de
Lugo (CEL) van poñer na Rede, a través da
páxina web da entidade empresarial, un informe exhaustivo sobre
a situación socioeconómica dos 67 concellos lucenses.
Trátase
da investigación Lugo en Cifras, que foi dada a coñecer no
Pazo de San Marcos polo presidente da Deputación de Lugo, José Tomé
Roca, e o secretario xeral da Confederación de Empresarios da
Provincia de Lugo (CEL), Jaime López Vázquez.
Tomé
Roca explicou que Lugo en Cifras “é unha recompilación de
datos socioeconómicos sobre a provincia de Lugo, unha fotografía da
realidade social e da realidade empresarial e económica dos
concellos, que volve a publicarse despois de dez anos de parón, e
que é froito, un froito máis, da colaboración permanente que
mantemos dende a Deputación co tecido produtivo da provincia, neste
caso, coa CEL”.
Pola
súa banda, Jaime López destacou tamén que esta publicación nace
con vocación de continuidade, e que “nos vindeiros anos nos
permitirá analizar o verdadeiro impacto da crise da COVID-19 en Lugo
e os avances que se vaian producindo no camiño da recuperación”.
Segundo
engadiron, Lugo en Cifras 2020 é a recuperación dun
informe que fora publicado xa durante seis anualidades (de 2005 a
2010) pola Fundación CEL, e a que agora se edita tratando de dar
continuidade a aquela iniciativa. Permite a consulta nunha única
publicación de datos provincias e comarcais de poboación,
demografía empresarial, mercado laboral ou prazas en aloxamentos
turísticos, entre outros ámbitos e parámetros de estudo.
A
CEL distribuirá exemplares en papel entre as entidades e empresas
máis representativas da provincia.
Lugo
en Cifras 2020 estará dispoñíbel para consulta e descarga no
apartado de publicacións da páxina web
da CEL, no apartado de publicacións.