A Deputación de Lugo usa a web de Turismo para axudar ao sector na desescalada
luns, 4 de maio do 2020
A
Deputación
da Lugo creou na súa web de Turismo un novo espazo para axudar ao
sector turístico o seu proceso de adaptación á nova realidade
de desescalada e mitigación do Estado de Alarma. Trátase dun
apartado que brinda
ás empresas e profesionais información relevante sobre os procesos
que está a seguir o decreto estatal (documentación do Plan de
Transición do Ministerio de Sanidade), os servizos gratuítos de
asesoramento que ofrece a institución provincial a empresas e
autónomos, as recomendacións da Organización Mundial de Turismo ou
as axudas dispoñíbeis para o sector.
A
deputada de Réxime Interior, Promoción do Territorio e Turismo,
Pilar García Porto, explica que “esta iniciativa permitirá que un
dos sectores económicos máis importantes da nosa provincia e un dos
máis afectados pola crise sanitaria poida atopar toda a información
nun solo clic e axudar deste xeito que as empresas reabran coa máxima
seguridade”.
Ademais,
pódese atopar un manual de boas prácticas, recursos de formación,
informes de incidencia da COVID-19 no sector e recomendacións da
Organización Mundial do Turismo.
García
Porto afirma que “os empresarios e emprendedores atoparán nesta
páxina un aliado para a nova normalidade”. Pode accederse a través
do apartado Espazo Profesional da páxina de Turismo da Deputación
de Lugo e estará en permanente actualización.