A Deputación de Lugo e a EOI favorecerán a transformación tecnolóxica de 775 pemes e persoas autónomas
xoves, 17 de decembro do 2020
A
Deputación de Lugo vai dar novos pasos en materia de emprego e
transformación tecnolóxica a nivel provincial en todos os
concellos. Así o fixo saber o presidente da entidade, José Tomé
Roca, quen asinou tres convenios con Raúl Blanco (secretario xeral
de Industria e da PEME do Goberno de España e presidente da Escola
de Organización Industrial) permitirán á institución provincial
contar cun investimento extra de máis de 4M€, procedentes de
fondos europeos, para reforzar as políticas de emprego na provincia.
A
formalización do triplo acordo coa EOI, que se realizou de maneira
telemática, contou tamén coa presenza do deputado de Promoción
Económica e Social, Pablo Rivera Capón, e da directora xeral da
Fundación EOI, Nieves Olivera.
Os
proxectos promovidos por ambas institucións a través deste acordos
contan cun orzamento de 4.112.207€, achegados nun 85,4% pola Escola
de Organización Industrial a través do Fondo Social Europeo e o
14,1% pola Deputación de Lugo.
As
accións están dirixidas a 775 pemes e autónomos, 250 parados de
longa duración e 600 mozos e mozas, e o seu obxectivo é a
reactivación e o apoio aos sectores e colectivos sociais máis
afectados pola crise económica derivada da COVID-19.
Un
dos convenios asinados pola Deputación de Lugo e a EOI busca evitar
que se agrande a fenda dixital e axudar a que o tecido produtivo
aproveite as oportunidades que ofrecen as novas Tecnoloxías da
Información e a Comunicación. “Con este acordo conseguiremos que,
polo menos 775 pemes e autónomos da provincia de Lugo diversifiquen
e modernicen a organización da súa empresa, e tamén
tecnoloxicamente”, asegurou Tomé Roca.
O
presidente avanzou que dentro do apoio aos colectivos vulnerábeis, a
través do segundo convenio, “formaremos a máis de 250 persoas
desempregadas de longa duración en sectores con gran potencialidade
de emprego na provincia, como son a atención sociosanitaria a
dependentes e a renovación xeracional no sector vitivinícola”.
Ao
abeiro do terceiro convenio, tentarase facilitar que a mocidade que
non atopa emprego na súa terra poida asentar “o seu proxecto de
vida”. Asi, máis de 600 mozos participarán en programas de
adaptación e fomento do emprego, podendo realizar prácticas non
laborais en empresas da provincia, en especial, en entidades do
terceiro sector”, explicou o mandatario provincial.