A Deputación de Lugo e Manuel Campo Vidal achegaron formación dixital para loitar contra o despoboamento
venres, 22 de decembro do 2023
A
Deputación de
Lugo acolleu este xoves 21 de decembro a conferencia A Esperanza
de Recuperar a España Rural, no
que participou o xornalista e doutor en Socioloxía Manuel Campo
Vidal, achegando o colofón so curso Especialista en
Territorio Rural Intelixente,
promovido pola institución provincial para proporcionar aos axentes
económicos e sociais máis ferramentas (boa parte delas
tecnolóxicas) para fixar poboación no territorio.
A
conferencia foi inaugurada polo presidente da Deputación, José
Tomé, quen sinalou que “fronte ás declaracións baleiras
de quen prometía lexislaturas do rural, na Deputación traballamos
sempre por este amplo territorio, centrando os nosos esforzos en
acercar os servizos públicos aos veciños e en fomentar a economía
e o emprego, contando cos concellos, co tecido produtivo e coa
Universidade. Estas, e non outras, son as claves”.
Segundo
lembrou, a acción formativa Especialista en Territorio Rural
Intelixente é a única desta temática que existe hoxe na oferta
educativa. Foi quen de cubrir as 75 prazas dispoñíbeis e abordou
materias como organización de proxectos, sustentabilidade,
dixitalización ou comunicación, “deseñadas para ter un impacto
práctico concreto sobre o terreo”.
O
curso encadrouse na cátedra sobre reto demográfico que preside
Campo Vidal. A acción formativa cubriu as 75 prazas dispoñíbeis e
abordou dende mediados de novembro materias como organización de
proxectos, sustentabilidade, dixitalización ou comunicación,
facilitando “o acceso de empregados públicos, axentes sociais e
público en xeral a contidos e reflexións pensadas dende coñecemento
e deseñadas para ter un impacto práctico concreto sobre o terreo”,
explicou o presidente da Deputación.
O
mandatario provincial agradeceu a Campo Vidal o seu interese “polo
desenvolvemento do rural e o seu papel como altofalante desa España
con menor densidade de poboación que non sempre chega ás noticias
e, cando o fai, non chega co ton positivo que convén, tanto á súa
realidade, como ás súas posibilidades”.
Este
curso tivo unha duración de 20 horas, distribuídas na xornada
presencial que impartiu esta tarde Manuel Campo Vidal na Deputación,
e clases en liña. Contou con 9 bloques temáticos, entre eles, as
claves da transformación dixital, o equilibrio territorial ou o
turismo rural como factor de desenvolvemento.