A Deputación de Lugo e ABANCA financiarán o equipamento tecnolóxico nas familias
luns, 21 de maio do 2018
A
Deputación de
Lugo
e ABANCA queren
botar unha man ás familias, empresas e
administracións locais
da provincia. Así
o fixeron saber hoxe ambas entidades, durante a sinatura da
renovación do Plan
Activamos correspondente ao exercicio 2018. Segundo
explicaron,
grazas
a este acordo achegarase
unha nova partida de 21 millóns de euros en financiamento en
condicións preferentes enfocado ao desenvolvemento socioeconómico.
Dentro
das actividades a financiar atópanse iniciativas ligadas ao
uso de enerxías renovábeis, á mellora enerxética e de
accesibilidade no fogar, á dotación de equipamento tecnolóxico e
ao desenvolvemento formativo e profesional.
A
formalización
do
acordo tivo lugar na sede da Deputación en Lugo, nun acto que contou
coa presenza do presidente do organismo provincial, Darío Campos
Conde, e o director de Negocio Institucional Galicia-Asturias-León
de ABANCA, Liño Comesaña Calvo. En
palabras do titular do Goberno provincial, “o
que pretendemos dende a Deputación é dinamizar a economía da
provincia, achegando
financiamento a
concellos e empresas para
desenvolveren
proxectos que redunden na mellora da calidade de vida dos nosos
veciños”.
No
acto de hoxe, máis en detalle, fíxose saber que, no caso de
empresas e autónomos, financiaranse
accións para a
posta en marcha de novos negocios, a realización de novos
investimentos, a creación de emprego, a mellora da eficiencia
enerxética e as necesidades de circulante. Pola
súa banda, as
familias poden solicitar cobertura
orzamentaria
para botar
man de
enerxías renovábeis,
para
unha meirande sustentabilidade enerxética, para afrontar a compra e
renovación de material tecnolóxico,
para
o desenvolvemento formativo e profesional, para
a adquisición de vehículos eficientes e para
a rehabilitación de vivenda habitual no medio rural. As corporacións
locais, asemade,
contarán
con financiamento para a realización de investimentos, circulante,
avais e confirming.