A Deputación de Lugo acolle estrea da curta Amor Viaxeiro, premiada por Netflix
martes, 11 de abril do 2023
O
Centro de
Formación Audiovisual da Deputación de Lugo estreou este martes 11
de abril en Lugo a curtametraxe Amor
Viaxeiro premiada
pola plataforma Netflix e Turespaña no concurso Cómo dirías que
es España sin decirlo. A película foi realizada por alumnado
do centro dependente da institución provincial, baixo a titoría do
equipo docente e supervisada polos convocadores do certame. A estrea
realizouse no salón de actos do Pazo de San Marcos.
O
deputado de Promoción Económica e Social, Pablo Rivera, participou
na premier en Lugo, á que asistiron membros das entidades
lucenses AFALU e ALAS, da Federación de Asociacións de Veciños, de
Produtoras de Audiovisuais galegas e do Grupo Cinematográfico
Fonmiñá, xunto a alumnos e alumnas de Secundaria lucenses, e os
estudantes do CFA e as súas familias.
Rivera
Capón animou aos futuros profesionais do sector audiovisual, aos que
queda un trimestre para rematar os seus estudos, a manter a liña de
traballo que distingue ao Centro de Formación Audiovisual da
Deputación, da que resultan creacións recoñecidas a nivel nacional
como Amor Viaxeiro ou o documental No se Oye.
Os
autores de Amor Viaxeiro, Lucas Alba, Mario Bello, Miguel Bouzas,
Sara Casanova, Erea Díaz, Mateo Longa e Paula Vilariño,
supervisados polo seu titores, Hugo Fernández e Iago Viana,
recibiron un premio de 7.000€ para a produción, filmación e
prostprodución da curta que rodaron en galego.
O
audiovisual, proxectado xa na pasada Feira Internacional de Turismo
(FITUR) en Madrid, narra a historia de Uxía, unha moza que viaxa
pola provincia de Lugo e outras zonas de Galicia na procura de
lugares que forman parte dos recordos da súa avoa. Pablo Rivera
salientou que “a cinta consigue emocionar cun guión que aborda o
alzhéimer e dá visibilidade ao colectivo LGTBI, ademais de destacar
a singularidade do territorio, do patrimonio e da poboación galega,
axustándose aos requisitos do certame de Netflix e Turespaña”.