A Deputación da Coruña e Next Education formaran especialistas en territorios rurais intelixentes
mércores, 15 de febreiro do 2023
A
Deputación
da Coruña achegou esta semana máis detalles sobre os seus proxectos
para contribuír á dixitalización e transformación tecnolóxicas
das empresas. Fíxoo en Ponteceso (onde a institución impulsou
unha Oficina Acelera PEME), da man do presidente provincial Valentín
González Fermoso, acompañado polo xornalista Manuel Campo Vidal.
Xuntos presentaron este luns 13 de febreiro o curso de especialista
en territorio rural intelixente, impulsado pola Deputación da Coruña
en colaboración con Next Educación.
Formoso
apuntou que “incentivar fiscalmente a implantación de empresas no
rural e apostar pola transformación dixital son claves para
facilitar a implantación de empresas nos pequenos municipios”.
Esta
formación, dirixida polo propio Campo Vidal, pretende “axudar a
impulsar a dixitalización e a economía circular nos núcleos rurais
a través da aplicación nos negocios diferentes ferramentas
tecnolóxicas e técnicas para acadar o seu desenvolvemento”. O
dirixente provincial apuntou que "desde as institucións,
principalmente as de carácter local, impulsamos estes cursos para
dotar de instrumentos ao mundo rural coruñés e conseguir a súa
dinamización".
Formoso
destacou que a "aposta da Deputación pola dixitalización do
rural pasou hai tempo das palabras aos feitos" e citou dúas
iniciativas como exemplo: a oficina Acelera PEME, que acaba de entrar
en funcionamento en Ponteceso co obxectivo de impulsar a
transformación dixital das empresas instaladas en zonas rurais,
“contribuíndo así a asentar oportunidades de emprego e
desenvolvemento que axuden a frear o despoboamento”, e o Centro
Next Deputación de A Capela desde onde a Deputación xestiona os
proxectos que buscan financiamento con fondos do programa europeo
Next Generation, “unha iniciativa única en España”, salientou o
presidente, destacando o feito de que a atención para os 93
concellos coruñeses sexa ofrecida desde un municipio de só 1.300
habitantes.
Pola
súa banda, Campo Vidal lembrou que "só se salva un pobo se ten
un proxecto, pero necesítase formación", incidindo na
importancia de dotar de coñecementos e a información necesaria a
todos os que teñan interese de asentarse ou emprender no rural.
O
director de Next Educación aclarou que "en España pérdense
moitas subvencións procedentes de Europa porque non se piden as
axudas de xeito correcto. A veces están fóra de prazo, outras veces
hai erros e incluso en ocasións as axudas pídense nas liñas de
axuda incorrectas".
O
curso de especialista en territorio rural intelixente
Segundo
informaron, o curso, dirixido a persoal funcionario, laboral e
responsábeis políticos, contou con máis de 160 solicitudes de
inscrición, polo que “se ten que desenvolver en dúas edicións”.
Cada unha conta cunha duración de 20 horas, das que 16 son en
formato en liña e outras 4 son webinars de 1 hora de duración
cada unha.
A
primeira quenda estase a desenvolver desde o 17 de xaneiro ata o 28
de febreiro, mentres que a segunda realizarase desde o 1 de marzo ata
o 4 de abril e conta xa con 40 alumnos e alumnas inscritos.
O
obxectivo desta formación é a de “impulsar a economía circular
como motor de oportunidades dentro dos territorios rurais a través
de ferramentas e técnicas tecnolóxicas innovadoras”. Pretende
dotar das liñas esenciais aos emprendedores e emprendedoras para
crear os seus negocios, transferir coñecementos para o impulso de
pequenas e medianas empresas e microempreseas e, ademais, formar
sobre as técnicas e habilidades de comunicación para o
desenvolvemento rural intelixente.