A Coruña presenta a súa propia Axenda Dixital
mércores, 6 de xuño do 2012
- Carlos Negreira esta mañá no Centro Ágora
Avanzando para converter A Coruña nunha Smart City a cidade herculina presentou hoxe unha Axenda Dixital de
seu, que conta cun espazo na web
no que figurarán os distintos proxectos da mesma e dende a que tamén é
posible descargar a versión provisoria da Axenda en distintos formatos. O
encargado de dar a coñecer esta iniciativa foi o alcalde Carlos Negreira, quen asegurou
que será “unha panca de modernidade”,
para o que pretenden contar coa colaboración de empresas locais e a
Universidade.
Os proxectos da Axenda Dixital, especialmente Smart Coruña, están
dentro dun Plan Estratéxico de Cidade: Coruña Futura.Estamos
ante un compromiso do Goberno Municipal, coa implicación de todas as
consellerías e as súas áreas dependentes, que se materializou nun conxunto de
proxectos para desenvolver de xeito coordinado e abordar o complexo proceso de
transformación requirido para avanzar cara a unha xestión e un desenvolvemento
do que dan en chamar cidade intelixente.
Esta iniciativa pretende estar aberta a achegas por parte da sociedade, e para
facilitar a comunicación estes proxectos contan con presenza nas principais
plataformas sociais na Internet (Twitter,
Facebook,
LinkedIn,
YouTube e Google+).
