A Coalición de Creadores deseña o superportal de contidos dixitais que prepara Cultura
xoves, 17 de decembro do 2009
A primeiros de xaneiro comezará a
montarse un superportal de contidos
(música, películas, videoxogos e libros) en descarga que adiantara a ministra
de Cultura, Ángeles González-Sinde, durante a polémica sobre o anteproxecto de
Lei de Economía Sustentable, e do que agora sabemos que estará
deseñado pola Coalición de Creadores, entidade que agrupa a SGAE, EGEDA,
Promusicae, FPA, ADIVAN e ADICAN, e que consideraron a máis axeitada para tal
labor por pertencer á mesma os propietarios dos contidos do futuro portal, ao
que poderían adherirse unhas 30 tendas en liña que actualmente están en
funcionamento vendendo contidos dixitais.
Deste xeito, o futuro superportal
tamén funcionaría coma «agregador e
buscador» de cine, música, videoxogos e libros, remitindo ao usuario á web
da tenda que vende os contidos localizados.