A Catedral de Santiago estréase nun sistema de prendido de velas a través de SMS
martes, 27 de abril do 2010
Segue a ser información rechamante, para que nos imos enganar, aquela que xunte nun mesmo parágrafo o relixioso coas novas tecnoloxÃas do coñecemento. Se cadra porque nos segue a chamar a atención que dúas cousas tan teoricamente afastadas no tempo sexan quen de xuntarse e mesmo de ir alén do minoritario. Segundo se nos conta estes dÃas en El Correo, os responsables da Catedral de Santiago seguen a aplicar na súa comunicación cos fieis o que nun plano empresarial comunmente se coñece como I+D. Nesta liña é onde se insire o servizo presentado no dito templo compostelán dirixido a permitirlles aos devotos prender as súas velas a través da Rede (ao acubillo da páxina web Mivela.com) ou ben mediante SMS (mensaxes de teléfono móbil).
A iniciativa, que malia ser nova xa deu acubillo no seu primeiro dÃa a preto dun cento de solicitudes, non ficará nun plano virtual ou figurado, senón que significará o prendido literal de luces a través duns novos lampadarios que inclúen un equipamento tecnolóxico (fÃos, pantalla ligada á Internet) que substitúe nestes casos ao sistema tradicional.
Detrás dos aspectos máis técnicos da iniciativa está a firma Candeum, que entre as súas previsións agarda chegar en Compostela ao medio millón de prendidos nun só ano. Por certo que o custo da vela será de 1,39 euros, o que dará dereito a un acendido de máis de media hora no caso de que non haxa máis fieis á espera da súa achega, o que significará a redución do tempo a 11 minutos. Do que se recade, un terzo será para o mantemento e conservación da Catedral, outro terzo para a devandita empresa e a porcentaxe restante para as firmas operadoras que achegan as canles de comunicación.
VÃdeo de presentación de Mivela.com