A CEO achega misións comerciais virtuais para fortalecer o empresariado ourensán
mércores, 19 de agosto do 2020
A
Confederación
Empresarial de Ourense (CEO) prepara diferentes actividades
formativas para a vindeira tempada, tentando ofrecer unha tempada
de verán-outono ateigada de oportunidades para favorecer a
transformación tecnolóxica das empresas, tan necesaria e urxente
nestes tempos de incertezas. A primeira das actividades é un plan de
apoio que abrangue, entre outras cousas, misións comerciais
virtuais, elaboración de vídeos en 360º e itinerarios virtuais.
Na
recta final do verán, en setembro, activarase un proxecto de apoio
para introducir ás empresas nos principais pasos a dar para
internacionalizarse dixitalmente. Darase cobertura a unha ducia de
firmas, poñendo á súa disposición diagnósticos, formación
específica ou estratexias de mercadotecnia dixital internacional.
Tamén se porán a disposición das empresas participantes accións
de asesoramento.
A
partir do último mes do verán tamén tamén collerá impulso
novamente o programa Exportou para favorecer a presenza internacional
das firmas ourensás, poñendo o foco en desenvolvementos
tecnolóxicos que tiren abaixo barreiras para a exportación de
produtos e servizos. Por exemplo: un vídeo 360º e un circuíto
virtual polas empresas agroalimentarias de Ourense, co obxectivo de
“facilitar e mellorar a interacción cos clientes e distribuidores
internacionais”, informou a CEO, engadindo que até outubro
levaranse acabo reportaxes fotográficas 360º das empresas, que
poderán tamén achegar os seus recursos dispoñíbel dar o máximo
calidade á iniciativa virtual.
Máis
tarde, en outubro e novembro, a CEO dará prolongación ás súas
misións comerciais, apostando desta volta polos formatos online
e centrándose principalmente no sector agroalimentario e facendo
fincapé en mercados potenciais como Estados Unidos, México, Bélxica
ou Países Baixos.