A Axencia Tributaria de Galicia aceptará pagamentos por Bizum
martes, 11 de outubro do 2022
A Axencia Tributaria de Galicia (Atriga) acaba de iniciar o
proceso de contratación do servizo que permitirá incorporar
aos actuais medios de pagamento da Administración autonómica o uso de Bizum para
poñer a disposición da cidadanÃa sistemas de pagamento novos e máis sinxelos para
cumprir coas obrigas tributarias. Deste xeito a partir do segundo trimestre de
2023, os cidadáns poderán utilizar este sistema para realizar o pagamento dos
ingresos xestionados pola Atriga como as taxas, o Imposto de Sucesións e Doazóns
ou o Imposto de Transmisións Patrimoniais e Actos XurÃdicos Documentados
(ITP-AXD).
A Axencia Tributaria de Galicia universalizou xa no 2021 a
posibilidade de que calquera cidadán puidese aboar en liña, a través da Oficina
Virtual Tributaria e cunha tarxeta de crédito ou débito, todos os ingresos
xestionados pola mesma, para non ter que desprazarse ás oficinas bancarias. A
isto hai que engadirlle que desde febreiro deste ano tamén se pode pagar
fisicamente nas 5 delegacións territoriais da Atriga, no momento de presentar o
imposto de xeito fÃsico. Os datos para o que vai de ano 2022 son máis de
252.000 operacións. Asà mesmo, desde o pasado xuño implantouse o pago de
débedas mediante xiro postal.
Todas estas medidas, enmárcanse nas actuacións desenvoltas
pola Axencia Tributaria de Galicia para reforzar e avanzar na información e
simplificar a asistencia a todos os cidadáns. Trátase en definitiva, de
facilitar o cumprimento das obrigas tributarias dos cidadáns, evitando os
desprazamentos ás entidades bancarias co conseguinte aforro de tempo e custes
na realización dos trámites tributarios.