A Aula Newton da Tecnópole completa as súas prazas para os centros de Secundaria
venres, 6 de maio do 2022
Os centros de Educación Secundaria de Galicia amosaron un elevado
interese por participar nas actividades da Aula Newton, localizada no
Parque Tecnolóxico de Galicia – Tecnópole (Ourense), o que
propiciou que as
21 sesións previstas ata o mes de xuño teñan xa pendurado o cartel
de completo para o presente curso escolar.
A Aula
Newton Galicia foi inaugurada o 19 de outubro de 2021 e é a
única en España. Está dirixida a estudantes de 3º e 4º da ESO e
ofrece unha formación en Ciencia, TecnoloxÃa, EnxeñerÃa e
Matemáticas (siglas de STEM) mediante dinámicas de grupo nas que os
estudantes reflexionan, exploran, debaten e colaboran en materias
STEM.
Na Aula, que está aberta os venres durante o curso escolar de 10:00
a 14:15 horas, desenvólvense as actividades de Voando con
números: unha aventura aérea, que trata sobre unha misión de
rescate a través dun plan de voo e simuladores avanzados; e
outra actividade complementaria de iniciación ao voo e construción
de drons. No primeiro trimestre de actividade da Aula Newton Galicia
participaron nas sesións preto de 300 alumnos e alumnas de 9 centros
de secundaria galegos. Esta é unha iniciativa pioneira en España
que se enmarca no programa autonómico de fomento de vocacións
cientÃfico-tecnolóxicas Voando alto, sumando vocacións, no
que colaboran Boeing e a Xunta de Galicia.
O concepto Newton foi desenvolvido por First Scandinavia e céntrase
en que o maior número posÃbel de nenos e nenas vivan unha
experiencia agradable e gocen dunha sensación de dominio nas
materias de ciencias.