A Aula CeMIT de Boiro celebra este xoves unha xornada sobre ciberseguridade

Este xoves 23 de novembro celébrase en Boiro, na Aula CeMIT do Centro Social, unha actividade formativa que ilustrará á cidadanía sobre os recursos que pode aplicar para ter navegacións seguras e un uso útil e protexido dos dispositivos. A charla sobre ciberseguridade desenvolverase baixo o seguinte epígrafe: O teu día a día en liña, con seguridade. Dará comezo ás 12.30 horas. As persoas interesadas en participar na charla poden inscribirse en axentetic@boiro.org, no 981 84 26 35 ou no 629 769 139.
Dende a Aula CeMIT de Boiro recordan ademais que este mes estanse a desenvolver catro cursos formativos centrados nas seguintes ferramentas de ofimática libre: Libreoffice Writter (do 6 ao 9 de novembro), Libreoffice Calc (do 13 ao 16 de novembro) Base (do 20 ao 23 de novembro) e Impress (do 27 ao 30 de novembro).