A Aula AMTIC de Ames organiza un obradoiro de videoxogos e electrónica con Arduino
mércores, 15 de novembro do 2023
A
Aula Municipal Tecnolóxica da Información e da Comunicación do
Milladoiro (AMTIC), situada na Casa da Cultura do Milladoiro,
organiza
esta tempada de outono un obradoiro de programación de videoxogos e
electrónica con Arduino.
Este
taller impartirase en dúas quendas: na primeira estará dirixido a
nenos e nenas de 8 a 10 anos. Impartirase os dÃas 27 de novembro e 4
de decembro, en horario de 18.00 a 19.30 horas. Ofrécense un total
de 24 prazas. Neste obradoiro os nenos e nenas de 8 a 10 anos
deseñaran videoxogos con Bloxels (plataforma de desenvolvemento de
videoxogos) e participarán en actividades de robótica cos
Robo-Dinos.
A
segunda queda estará dirixida a rapaces e rapazas de 11 a 14 anos.
Neste caso impartirase os dÃas 11 e 18 de decembro, tamén en
horario de 18.00 a 19.30 horas. Ofértanse outras 24 prazas. O grupo
de rapaces e rapazas de 11 a 14 anos tamén deseñarán videoxogos
con Bloxels e farán prácticas de programación electrónica con
sensores e actuadores sobre unha placa de hardware-software libre
Arduino.
As
persoas que estean interesadas poden tramitar a súa inscrición
dende o 15 de novembro. As prazas asignaranse por orde de recepción
das solicitudes ata completarse. Para anotarse é preciso enviar esta
ficha de inscrición ao enderezo electrónico
informatica.milladoiro@concellodeames.gal.
As
inscricións tamén se poden facer de xeito presencial, acudindo ás
instalacións da Aula Municipal Tecnolóxica da Información e da
Comunicación (AMTIC), na Casa da Cultura do Milladoiro, en horario
de Aula Aberta: os luns e martes de 10.00 a 13.00h e de 16.00 a 20.00
horas. Os mércores, xoves e venres o horario é de 10.00 a 13.00
horas.
Para
consultar calquera dúbida pódese contactar coa AMTIC chamando ao
número de teléfono 981 535 940 ou escribindo a
informatica.milladoiro@concellodeames.gal.