8 de cada 10 usuarios de trebellos buscan coche novo ou datos do motor a través do móbil
mércores, 1 de agosto do 2012
A día de hoxe, son cada
vez máis as persoas que procuran vehículo novo dende a palma da súa man. Ou,
sexa pola vía do trebello de seu. Segundo sinala o portal Coches.net, a través
dun estudo de seu sobre os hábitos dos seareiros do motor, á par que
internautas e propietarios de trebellos, arestora procuran coche ou información
do eido do motor, pola devandita vía, 8 de cada 10 usuarios, o 79%. O estudo fíxose
sobre a base de 3.500 enquisados.
Deles, o 59% recoñece que
prefire facelo dende o seu móbil en troques de levalo a cabo a través do
computador, sobre todo porque o trebello vai a todas partes con eles (80%),
porque poden usalo en calquera lugar (45,5%) e porque lles permite chamar
directamente ao anunciante (19,7%), “gañando
con isto axilidade e rapidez nas xestións e na obtención de información”.
Sobre o caso concreto de
Coches.net, fontes do portal explican que a día de hoxe, máis do 20% das
visitas proveñen de dispositivos móbiles e agárdase que esta cifra acade o 35%
ao longo do vindeiro ano; sendo o obxectivo da web ofrecer cada vez mellores
experiencias de navegación e servizos de meirande valor.