37 novos centros emisores na área técnica de Ares garantirán a cobertura da TDT
martes, 24 de novembro do 2009
- Rede principal e de extensión de televisión dixital no Plan de Transición Ares
Alfonso Cabaleiro Duran, secretario
xeral de Medios, adiantou hoxe que a Xunta porá
en marcha 37 novos centros emisores de TDT para garantir a cobertura na Área
Técnica de Ares. Explicou que a implantación da TDT será do 100% na
primeira quincena de xaneiro, e asegurou que a instalación destes novos
emisores farase a un ritmo de 7 ou 8 por semana cun investimento total de
1.500.000 euros.
Cabaleiro avanzou na Delegación
da Xunta da Coruña o contido do Plan de transición da Área Técnica de Ares,
explicou que o traballo avanza «a bo
ritmo», xa que están instalados xa os primeiros equipos: San Jorge,
(Ferrol), e Doroña, (Vilamaior), e o calendario de acendidos seguirá «esta semana» coas estacións de Oza do
Ríos, Igrexa e Ombre (Pontedeume), e As Somozas.
O secretario de Medios explicou
que a Área Técnica de Ares é unha das 6 nas que o Plan galego de despregamento
da TDT divide Galicia. Está composta por 51 concellos (50 da provincia da
Coruña, e 1 de Lugo) que dependen directa ou indirectamente do emisor principal
de Baladoira, en Ares. Estes concellos suman case 730.000 habitantes que,
segundo resaltou Cabaleiro, notarán unha mellora substancial no sinal da
televisión xa que a TDT supera en cobertura e calidade á televisión analóxica.
Dende a Xunta de Galicia tamén destacan que para este traballo de adaptación á
TDT tiveron que «partir practicamente de
cero» e este despregamento inclúe a formación de case 200 empresas
instaladoras para equipos de recepción por satélite, que desenvólvese con
tecnoloxía galega.
Presentación do plan de traballo do Proxecto de Transición Ares