1&1 estréase en España ofrecendo espazo web de balde por 2 anos

A empresa de aloxamento de páxinas web 1&1 comeza a operar en España baixo o dominio 1y1.es e para achegar novos clientes neste sector tan competitivo ofrece un paquete de lanzamento que inclúe espazo web e un domino .es durante 2 anos de balde sen compromiso de permanencia.
Esta oferta de promoción estará vixente ata o 21 de outubro, e inclúe 2 Gb de espazo web, 20 Gb de transferencia mensual, 1 dominio .es, 100 enderezos de correo electrónico, estatísticas web, control completo de DNS, 5 bases de datos MySQL, 1 proxy SSL, soporte das tecnoloxías máis habituais no desenvolvemento web e mesmo a posibilidade de auto-instalar servizos de galerías fotográficas e blogs baseados en WordPress.
Este paquete está valorado en preto de 10 euros/mes (prezo que deberán pagar os clientes que o soliciten trala promoción inicial), destacando por ser axeitado tanto para profesionais como para usuarios pouco experimentados.