Bota a andar LaComuna.TV, a substituta de Mobuzz TV

A finais do pasado 2008, en Código Cero fixémonos eco da nova do peche repentino de Mobuzz TV, para dar paso a unha nova iniciativa audiovisual: LaComuna.TV. Por aquel entón, os responsables deste proxecto anunciaban que pretendían comezar a producir un videoblog ao máis puro estilo de Mobuzz pero de carácter semanal, con diversidade de contidos e bastante experimental e agora, confirmando o prometido, os membros de LaComuna.TV veñen de liberar o seu primeiro show na Rede, no cal nos falan de Marketing Tribal, a Tomografía e entrevistan aos responsables da tenda Sicario en México.
Detrás de LaComuna.tv está parte do equipo que formaba o desaparecido proxecto Mobuzz TV, que volven, tal e como anuncian na súa web, “con moita forza e ganas”. Polo de agora, con este primeiro episodio, as críticas lanzadas na Rede son moi positivas e a nota media é de “un dez para esta primeira entrega centrada nun interesante tema, con resultados perfectamente pulidos, un produto fresco e de calidade”, aseguran en Bitelia.

Primeira entrega de LaComuna.TV