A crise forza o peche de Wikia Search

Wikia Search, o proxecto de buscador colaborativo de Jimmy Wales (fundador da Wikipedia) estreado publicamente hai pouco máis dun ano, cesará a súa actividade comercial por dificultades económicas e, aínda que o buscador continúa activo neste momento, o proxecto tería rematado oficialmente no día de onte, o que non supón o peche de Wikia (proxecto que acolle outras iniciativas interesantes) senón simplemente a desaparición do seu buscador, que tras o seu lanzamento non conseguiu captar audiencia, nin chegou a funcionar dun xeito que resultase minimamente aceptable para os usuarios. Queda así nun peche, que coma o da Enciclopedia Encarta, pasa desapercibido, por producirse nun momento no que o servizo resulta invisible para o grande público.