i-Joy estrea lector de libros electrónicos

martes, 29 de decembro do 2009 Marcus Fernández

Moitos son os fabricantes de electrónica de consumo que nos últimos meses lanzaron os seus propios lectores de libros electrónicos, e agora súmase á familia i-Joy, compañía que presenta o seu Ketab, un lector con pantalla de 6 polgadas cunha resolución de 800 x 600 píxeles e tecnoloxía E Ink, compatible cos formatos de libros electrónicos TXT, Word, PDB, PDF e EPUB, así coma imaxes en JPEG e BMP e música en MP3, WMA, APE, FLAC e AAC, que poden almacenarse en tarxetas SD.
O i-Joy Ketab mide 177 x 128 x 9 milímetros, conta cunha batería de litio recargable cunha autonomía para ler unhas 7.500 páxinas, soportar a rotación da pantallas e o cambio do tamaño de letras e chegará ás tendas ao contido prezo de 250 euros.

PUBLICIDADE