Zumodrive permite compartir datos entre o ordenador e o móbil

martes, 4 de maio do 2010 Marcus Fernández

Compartir documentos entre o PC e o móbil non sempre é doado, de aí que cheguen aplicacións coma Zumodrive, un servizo de almacenamento en liña que conta cunha interface web e aplicacións clientes para Windows, Mac OS X, iPhone, Android e Palm, de xeito que os arquivos que carguemos en tal sistema estarán dispoñibles para todas as plataformas indicadas á vez. A súa xestión é moi doado, pois no equipo informático este almacenamento en liña aparece coma unha unidade de disco local, facilitando a carga e descarga de contidos ao mesmo.
Zumodrive está dispoñible en varias linguas (entre as que está o español) e aínda que un dos seus usos principais sexa a carga de documentos, imaxes e vídeos dende o PC ao almacenamento en liña para poder logo consultalos dende o móbil, tamén é posible percorrer o camiño no sentido inverso, de xeito que as imaxes que captemos co móbil podemos compartila cos equipos de escritorio.
O servizo inclúe 1 Gb de almacenamento de balde, existindo distintos plans de pagamento segundo a cantidade de disco que queiramos contratar.

PUBLICIDADE