ZombiU terá versións para Xbox One, PS4 e PC a partires do 18 de agosto
venres, 31 de xullo do 2015
Hai un par
de anos Ubisoft tivo que recoñecer que a mala acollida comercial da Wii U levou
a que o seu
xogo ZombiU resultase deficitario,
pese a ser un dos xogos de referencia desa plataforma, e precisamente por iso
non sorprende que quixeran aproveitar o esforzo realizado no seu
desenvolvemento para trasladalo ás consolas de nova xeración e ordenadores
persoais, de aà que decidisen mudarlle o seu nome a Zombi e anunciar que o vindeiro 18 de agosto o teremos
dispoñible en formato descargable para PlayStation 4, Xbox One e PC.
Estamos ante un xogo de terror e supervivencia en estado puro (con recursos
escasos, como os clásicos do xénero), con mortes permanentes (se morre o noso personaxe
resulta infectado converterase nun zombi máis, e teremos que adoptar a
identidade doutro personaxe), cos recursos do personaxe gardados nunha mochila
de emerxencia (de xeito que, se queremos manter a progresión do xogo tras
morrer teremos que intentar recuperar a mochila do noso anterior personaxe),
cunha recreación recoñecible da cidade de Londres e cun estilo de xogo e uns
gráficos actualizados a equipos actuais.
Tráiler de Zombi, a versión para PS4, Xbox One e PC de ZombiU