Xornada en Melide para informar das vantaxes de AinfoVac nas explotacións agrogandeiras
xoves, 12 de abril do 2012
- Captura da ferramenta AinfoVac, software libre en galego de Ainfogra
O vindeiro 19 de abril, xoves, a Cooperativa Melisanto vai acoller
unha xornada informativa para dar conta, no ámbito do noso rural, das vantaxes
de empregar a fondo as ferramentas informáticas para a xestión, o control e a
comunicación das actividades vinculadas ao sector agrogandeiro. Máis polo miúdo,
a xornada servirá para informar en todo detalle da aplicación de explotacións
rurais AinfoVac. O evento dará comezo na Cooperativa (Melide) ás 12 horas, e
será impartido por José Manuel Campos, director técnico de Ainfogra, e Rafael
RodrÃguez Gaioso, presidente de MeLiSA, contándose coa
colaboración da Cooperativa Melisanto, ASETEM e o Concello de Melide.
Segundo nos informan os compañeiros de MeLiSA
(asociación melidense para a difusión da programación aberta da que falamos
recentemente con motivo da súa presenza activa en Voluntariado Dixital), o
acto está dirixido a todas aquelas persoas interesadas en coñecer de primeira
man as caracterÃsticas desta aplicación informática, e especialmente aos
propietarios de explotacións agrogandeiras.
Lembrar que AinfoVac
é software libre, en galego, desenvolvido en boa medida para a xestión da
actividade agrogandeira abranguendo tódolos seus procesos produtivos. Vén da
man do proxecto Ainfogra, Aula Informática
Agraria, e conta entre outras cousas con módulos de facturación, xestión de compras
e ventas, rexistro de animais, control xenético, control de cultivos,
alimentación, vacinación, etc.Esta aplicación distribúese baixo unha licenza
libre que permite o seu uso, copia e modificación, asà como a distribución gratuÃta.