WordPress.com permite integrar pagamentos recorrentes
xoves, 14 de novembro do 2019
AÃnda que os contidos escritos de pagamento son algo moi
pouco habitual na Rede, moitos creadores non conseguen ingresos dabondo a
través da publicidade e teñen que optar por financiarse con achegas por parte do
público. Estas fórmulas normalmente non son doadas de implantar, pero
WordPress.com vén de estrear unha nova fórmula para os seus usuarios: os
pagamentos recorrentes.
Esta nova funcionalidade de WordPress.com e Jetpack (ou sexa, que poden
empregala tamén webs que non estean hospedadas dentro de WordPress.com, pero
que si paguen polo servizo Jetpack) permite que os creadores de contidos poidan
establecer pagamentos periódicos, que poden ser doazóns, subscricións a un
boletÃn ou polo acceso a contido exclusivo.
Esta nova solución funciona coa plataforma de
pagamentos Stripe, pode integrarse en blogs de WordPress a través do propio
editor de bloques do xestor de contidos, e permite definir as condicións dos
pagamentos recorrentes (moeda, cantidade, frecuencia...). Deste xeito, os
creadores que fagan uso de WordPress xestionar dun xeito natural as subscricións
en vez de ter que empregar solucións externas como Patreon para financiar os
seus proxectos.
Os pagamentos recorrentes só están dispoñibles para a súa integración por parte
de usuarios de pagamento de WordPress.com, tendo diferentes comisións en
función do plan contratado, e non é a única opción de monetización integrada,
xa que tamén ofrecen a posibilidade de recibir pagamentos únicos, inserir
publicidade ou montar tendas en liña con WooCommerce.