WhatsApp comeza a transcribir as mensaxes de voz a texto no iPhone
martes, 2 de maio do 2023
As últimas versións
de proba de WhatsApp para iOS están a facilitar unha interesante opción dentro
da aplicación que consiste en transcribir
as mensaxes de voz a texto, realizándose estas interpretacións das mensaxes
en local (ou sexa, que as nosas mensaxes están afastadas das miradas de
servizos de transcrición externos).
A nova funcionalidade resulta especialmente práctica cando recibimos unha
mensaxe de voz e non podemos escoitala (por exemplo, nunha xuntanza ou mentres
se está a escoitar outra cousa) e cunha simple mirada ao teléfono podemos saber
de que trata a mensaxe, por se é algo importante que teñamos que atender con urxencia.
Esta función que reduce as interrupcións que provocan as mensaxes de voz
funciona en árabe, cantonés, mandarÃn, inglés, francés, alemán, italiano,
xaponés, coreano, portugués, ruso, turco e español, e queda agora agardar a que
se incorpora na versión oficial da aplicación e a que dea o salto a outras
plataformas.
En Windows tamén se aposta pola voz
A
versión de proba de WhatsApp para Windows tamén está a recibir unha interesante
novidade relativa ás mensaxes de voz, que consiste en que cando escoitamos
unha mensaxe podemos saÃr da conversa na que se atope e seguir escoitando,
aparecendo un pequeno reprodutor multimedia na parte inferior da listaxe de
conversas de WhatsApp.
Ver como WhatsApp está a introducir tantas melloras relativas ao son dá a
entender que este tipo de comunicación ten cada vez máis forza, de aà que unha
aplicación que comezou sendo unha alternativa ás mensaxes de texto cada dÃa é
máis oral e multimedia, polo que ten que adaptarse ás demandas dos usuarios.