Vodafone lanza o paquete exclusivo Samsung Galaxy S6 Edge+ Glam Edition
venres, 4 de decembro do 2015
Vodafone
anunciou hoxe o lanzamento en exclusiva do Samsung Galaxy S6 Edge+
Glam Edition, como o seu propio nome indica un trebello para achegar
un extra de encanto e vistosidade á nosa actividade comunicativa
cotiá. Máis polo miúdo, este dispositivo intelixente de Samsung
preséntase nada menos que en cor prata e con cristais de Swarovski
(máis de 1.300) na súa carcasa. O resultado, como ben sinala
Vodafone, non é outra cousa que “brillante”. O pack
exclusivo do smartphone
en cuestión xa
está dispoñíbel na tenda en liña de Vodafone e nas tendas da
operadora. O prezo recomendado da
carcasa é de 99,90 euros.
Segundo
informa Vodafone, “a súa espectacular pantalla dupla e os
magníficos acabados en metal e cristal convérteno no complemento
perfecto para estarmos sempre conectados sen renunciar ás últimas
tendencias”. E engade a operadora: “Combinado cos cristais
Swarovski, Samsung Galaxy S6 Edge+ eleva o concepto de smartphone
a atractivo accesorio de luxo”.
Por
certo que o pack (aparello e envoltorio) está
dispoñíbel para clientes particulares e autónomos da compañía co
Plan Rede L por 19 euros e por 29 euros ao mes con portabilidade de
orixe contrato e compromiso 18
meses. Para quen teña o
paquete Vodafone One L 120 Mb, a edición especial do trebello
achégase por 0 euros e por 30 con portabilidade con contrato e
compromiso de 18 meses.