Vodafone estreará comercialmente o 5G en Reino Unido o 3 de xullo
martes, 14 de maio do 2019
A tecnoloxÃa móbil 5G non pretende ser unha realidade
comercial até ben avanzado o ano 2020, tanto pola fala de infraestruturas como
de dispositivos compatibles, pero dende Vodafone queren estar á cabeza da nova
revolución das telecomunicacións, e anuncian que en
Reino Unido van iniciar o servizo 5G o vindeiro 3 de xullo, ofrecendo tamén
itinerancia sobre 5G en Reino Unido, Alemaña, Italia e España no verán.
O servizo 5G de Vodafone botará a andar inicialmente en Birmingham, Bristol,
Cardiff, Glasgow, Manchester, Liverpool e Londres, estando previsto que antes
de rematar o ano leven o servizo a Birkenhead, Blackpool, Bournemouth,
Guildford, Newbury, Portsmouth, Plymouth, Reading, Southampton, Stoke-on-Trent,
Warrington e Wolverhampton.
A compañÃa británica asegura que polo momento o prezo do 5G será igual que o do
4G para clientes particulares e corporativos, ofrecendo as novas conexións en
tendas a partires do verán, pero poñendo xa á venda smartphones 5G a semana que
vén. Tamén venderán routers 5G, que permitirán que fogares ou oficinas sen
banda larga fixa poidan conectarse á Rede.
Os primeiros smartphones con 5G que venderá Vodafone serán o Mi Mix 3 5G (á
venda a partires do 23 de maio), o Samsung S10 5G e o Huawei Mate 20 X 5G (que
poderán reservarse a finais de mes), aos que no verán sumarase o Huawei Mate X
5G e o router 5G Gigacube (exclusivo de Vodafone).
Dado que este anuncio británico inclúe roaming
en España podemos entender que nos vindeiros dÃas Vodafone España anunciará o
seu calendario de lanzamento comercial do 5G nas meirandes cidades do Estado.
ACTUALIZACIÓN: Vodafone España confirma que no verán chegará o 5G a España ofrecendo 10 veces máis velocidade que as conexións 4G actuais e chegando inicialmente ás cidades que forman parte dos seus plans piloto: Madrid, Barcelona, Sevilla, Málaga, Bilbao e Valencia.