Varios televisores de Samsung permiten facer videochamadas por Google Duo
martes, 21 de setembro do 2021
Samsung está a anunciar que os seus televisores Samsung Neo
QLED, QLED 2021 e The Frame 2021 permiten
a realización de videochamadas dun xeito doado e con calidade a través de
Google Duo, o que permite conversar con até 32 participantes para o que simplemente
é preciso conectar unha webcam compatible (como serÃan as célebres Logitech
C920, C920s, C920-C, C922, C922x, C925e, C930e, C930C e StreamCam).
Deste xeito, os televisores de Samsung permiten realizar videoconferencias en
pantallas de grande tamaño se conectamos unha webcam por USB a través da
aplicación Google Duo, que teremos que ter instalada no noso smartphone, xa que
será dende este trebello dende o que teremos que iniciar sesión e elixir os usuarios
cos que queremos conversar, aÃnda que posteriormente será posible seleccionar
directamente os contactos directamente na aplicación de Google Duo do televisor
(que gardará os contactos utilizados e a actividade recente para poder axilizar
a realización de videochamadas futuras).
Dende Samsung destacan que os seus televisores Neo QLED 8K dispoñible da
función Multi View que permite dividir a pantalla até en 4 partes, para poder
gozar de distintos contidos simultaneamente, o que poderÃa empregarse para, por
exemplo, ver un partido de fútbol mentres vemos os comentarios en redes sociais
e conversamos cun amigo.