Vampiro inspira un novo battle royale

luns, 2 de novembro do 2020 Marcus Fernández

O pasado verán soubemos que o agardado xogo Vampire: The Masquerade: Bloodlines 2 adiaba o seu lanzamento até o ano que vén, tras o que transcendeu información sobre o despedimento do director creativo e do guionista principal do xogo, polo que xurdiron moitas dúbidas sobre o futuro deste xogo de Paradox Interactive, de aí que agora sexa bastante rechamante o anuncio do primeiro xogo de Sharkmob, que será un battle royale ambientado no universo de Vampiro: La Mascarada, no que seitas de vampiros en guerra nas rúas e tellados de Praga.
O xogo permitirá que os usuarios participen en solitario ou en grupos, loitando contra rivais e enfrontándose á Entidade que está a exterminar aos vampiros. Poderanse empregar poderes sobrenaturais, armas e sangue para conseguir máis forza para cazar, loitar e sobrevivir a noite.
O lanzamento deste xogo, do que aínda non se detallou o título, está previsto para a segunda metade de 2021.

Vídeo de adianto do primeiro xogo de Sharkmob

PUBLICIDADE