Unha campaña de micromecenado pretende facer un novo xogo de loita de Shaquille O’Neal
venres, 7 de marzo do 2014
No outono de 1994 as consolas Mega Drive e Super Nintendo
recibiron un xogo de loita bidimensional bastante curioso, Shaq Fu,
protagonizado polo polifacético xogador de baloncesto Shaquille O’Neal, quen parece
querer resarcirse daquel tÃtulo que por moitos foi considerado como os peores
que se fixeron nunca no seu xénero (aÃnda que non falta quen o reivindique
precisamente por iso), e asà temos que Big Deez Productions en colaboración co Shaq iniciaron unha campaña de
micromecenado en Indiegogo a través da que buscan xuntar 450.000 dólares para
facer realidade o xogo Shaq Fu: A Legend
Reborn.
Cómpre detallar que o novo xogo só compartirá dous elementos coa súa entrega
orixinal: o nome e o protagonista. Estamos ante un xogo de loita que promete calidade
e diversión, que incluso poderÃa chegar ao mercado sen contar cun padriño como
O’Neal, pero preferiron ir da súa man. Incluso comentan que o proxecto non se
financia só cos cartos recadados a través de campaña en Indiegogo, senón que
tamén conta co financiamento do estudio de desenvolvemento e o propio Shaq, de xeito que apostar polo crowdfunding é máis un xeito de coñecer
o interese do público por este xogo, á vez que conseguir poñelo baixo os focos.
Shaq Fu: A Legend Reborn serÃa unha
mestura de xogos como Streets of Rage,
Street Fighter e Devil May Cry, no que definen como un beat’em up moderno, no que Saquille O’Neal fará uso de centos de
movementos e técnicas de combate para derrotar a milleiros de inimigos en
numerosos escenarios e incluso contando cun modo cooperativo que tanto agradece
este xénero.
Está previsto que o xogo saia á venda en tendas a un prezo de 29,99 dólares,
aÃnda que os que se fagan con el a través de Indiegogo só terán que pagar 15
dólares pola súa versión dixital ou 25 dólares para a edición que incluirá
todos os contidos descargables que sairán para o xogo durante todo o seu ciclo
de vida (valorados en máis de 200 dólares). Tamén será posible facer achegas
superiores para conseguir outras recompensas como un personaxe exclusivo,
acceso á versión de proba, copia da banda sonora, distinta mercadotecnia, poder
asistir á festa de lanzamento do xogo, unha figura ou un balón asinados por Shaq, que o xogador de baloncesto siga
ao mecenas en distintas redes sociais, aparecer no xogo e incluso cear co mesmo
Shaquille O’Neal. Polo momento conseguiron superar os 54.000 dólares recadados,
quedando aÃnda 44 dÃas para completar esta campaña que poderÃa facer que o Shaq Fu orixinal quedase no esquecemento
para que unha versión máis digna poida estar presente nos nosos ordenadores
persoais.
- O propio O’Neal prestouse para facer a captura de movementos do seu personaxe
- O novo Shaq Fu preséntase como un beat’em up moderno
Trailer de adianto do xogo