Uncharted 4 recibe de balde o modo de xogo Cazador de Recompensas
xoves, 22 de setembro do 2016
Que Uncharted 4 é
un dos xogos máis esperados para PlayStation 4 non era ningunha sorpresa, de
xeito que é un dos máis firmes candidatos a ser considerado o Xogo do Ano por moitas publicacións, e
para conseguir tal dende Naughty Dog están a seguir unha polÃtica exemplar para
manter vivo o xogo durante meses, xa que os contidos descargables posteriores
ao lanzamento da derradeira aventura de Nathan Drake están dispoñibles como
actualizacións de balde, como a que vén de chegar.
En xuño Uncharted 4 recibiu a
actualización Tesouros Perdidos para
o modo multixogador, e agora
temos dispoñible unha actualización do xogo que achega o novo DLC, Cazador de Recompensas, que inclúe
un dos mapas clásicos favoritos dos usuarios (a aldea de Uncharted 2), novas ferramentas para capturar e crear vÃdeos de gameplay (engádese un Modo Cine), un
modo de xogo por obxectivos totalmente novo, novas armas, e moito máis.
O novo modo Cazador de Recompensas
premia o traballo en equipo, a estratexia e a habilidade dos xogadores
repartidos en dous equipos que compiten para acadar a máxima puntuación a base
de recoller recompensas dos inimigos abatidos. Cada vez que tombamos a un
xogador, este solta unha recompensa valorada en 10 puntos que o xogador ou os
seus compañeiros deberán recuperar antes de que un inimigo a arrebate. Durante
as partidas tamén asignarase a un dos membros de cada equipo o rol de capitán,
de xeito que quen o abata conseguirá unha recompensa valorada entre 60 e 120
puntos para a puntuación xeral do equipo, de aà que sexa importante a
coordinación dos xogadores para poder recoller estas recompensas.
VÃdeo promocinal do último DLC de Uncharted 4