Un mozo mata a un taxista emulando ao Grand Theft Auto

luns, 4 de agosto do 2008 Marcus Fernández

JPEG - 761.8 KB

Un distribuidor de videoxogos tailandés deixou de vender as distintas entregas de Grand Theft Auto despois de que un adolescente confesase ter atracado e asasinado a un taxista intentando recrear unha escena don controvertido xogo.
O director de vendas e comercialización de New Era Interactive Media declarou á axencia de novas Reuters que están a solicitar ás tendas a retirada dos xogos de GTA dos seus estantes, e están preocupados polo acontecido, xa que o rapaz de 18 anos que asasinou a un taxista de 54 anos cun coitelo durante a fin de semana declarou que quería saber «se era tan doado atracar un taxi na vida real coma no xogo».
O GTA IV foi un dos grandes lanzamentos do ano, e está recomendado para maiores de idade, sorprendendo especialmente que a nova polémica afecte a un mozo que non presente sinais de problemas mentais e que simplemente estea obsesionado cun dos xogos de moda. Abandonada a disputa sobre se os cativos deben xogar a este tipo de títulos (o que non parece ser motivos de discusión) o acontecido podería levar a que nalgúns países endurecesen a lexislación para poder vetar este tipo de xogos no futuro (coma tamén está a pasar nalgúns mercados con Manhunt 2, xogo da mesma compañía que GTA).

PUBLICIDADE