Un maletín de Tucano facilita levar o tablet xunto co portátil

luns, 22 de abril do 2013 Marcus Fernández

Cada vez levamos con nós máis dispositivos electrónicos, pero mantelos protexidos das agresións externas ou simplemente de accidentais caídas é todo un reto que intentan superar as distintas fundas e maletíns dispoñibles no mercado, entre o que podemos destacar especialmente o Tucano One Slim, que vén de chegar a España, e que, aparte do espazo para levar un ordenador portátil, conta cun peto deseñado especialmente o iPad (ou outro tablet de dimensións semellantes) e un peto externo con cremalleira para gardar numerosos accesorios (como móbiles, bolígrafos...).
Este maletín delgado para o portátil chega en varias cores e en dous modelos, de xeito que por 44 euros podemos facernos co Tucano One Slim pensado para transportar un MacBook Air de 11 polgadas, mentres que por 49 euros teriamos un modelo apto para transportar practicamente calquera portátil con pantalla de 13 polgadas.

O maletín está dispoñible en varias cores
O Tucano One Slim conta cun completo compartimento para accesorios

PUBLICIDADE