Titanfall poderá xogarse de balde durante esta fin de semana

venres, 20 de xuño do 2014 Marcus Fernández

Un dos xogos de acción en primeira persoa de máis éxito da tempada é o innovador Titanfall, dispoñible para as consolas de Microsoft e para ordenadores persoais, e para estes últimos equipos destaca estes días por dúas cousas: por ter un desconto do 50% en Origin (o que permite a súa compra por 29,97 euros) e por poder gozarse de balde durante a vindeira fin de semana.
Non estamos a falar dunha versión de demostracións, senón que durante esta fin de semana será posible descargar o xogo completo e poder gozar de moitas horas de xogo en liña totalmente de balde, o que é unha excelente oportunidade para comprobar o rendemento do xogo no nos ordenador e para experimentar do intenso modo multi-xogador deste título, antes de decidir a súa compra.
Unha vez instalado o xogo durante estes días, e tras inicialo por primeira vez, botará a andar unha conta atrás de 48 horas durante as que poderemos xogar de balde, de xeito que non falamos realmente dunha fin de semana natural, senón que dependerá da hora á que comecemos a xogar.


Trailer de lanzamento do xogo

PUBLICIDADE