Telefónica distribuirá en exclusiva tres dispositivos de última xeración de Samsung
xoves, 19 de febreiro do 2009
- Samsung presentou os seus novos terminais no Mobile World Congress
Unha vez máis, o Mobile
World Congress de Barcelona volveu ser o escenario da formalización dun
deses acordos de colaboración entre compañías tecnolóxicas que logran espertar
o interese dunha boa parte dos asistentes. Desta volta, o público tivo a
oportunidade de asistir en primeira liña á sinatura dun convenio entre Telefónica
e a multinacional coreana Samsung
para distribuír en España durante o primeiro semestre de 2009, os seus
terminais máis avanzados.
Os primeiros dispositivos móbiles, que se lanzarán antes
de xuño deste ano, serán os Samsung OMNIAHD, Ultra TOUCH e S6700, uns
innovadores dispositivos que están á vangarda tecnolóxica e que Telefónica
comercializará de xeito exclusivo.
Samsung OMNIAHD
O smartphone
Samsung OMNIAHD é un potente
dispositivo multimedia que incorpora tecnoloxía HD, permitindo gravar incluso
vídeos a 720 p e pantalla táctil LED de matriz activa orgánica (AMOLED, a máis
grande do mercado con 3,7”)
e cunha nitidez única nos tons, cores e luminosidade.
Este smartphone ofrece, asemade, cámara de 8 megapíxeles
e GPS con brúxula integrada e unha ampla memoria interna dispoñible en 8 e 16
XG. En canto á conectividade, o dispositivo permite acceso a Internet de HSUPA
de 5,76 Mbps e HSDPA de 7,2 Mbps.
Samsung Ultra TOUCH
O Samsumg Ultra Touch tamén conta cunha pantalla táctic
AMOLED de 2,8”
antirrabuñaduras e antipegadas, cunha sofisticada silueta en curva e cun deseño
brillante
silky back que permite ver a pantalla perfectamente dende calquera
ángulo.
En canto a funcionalidades, este móbil dispón dunha
cámara de 8 megapíxeles con flash power LED e función detector de sorrisos e
parpadeos e ofrece a posibilidade de gravación en vídeo de alta calidade de 30
fps.
Ademais, conta cun reprodutor de música Groovy e permite
un rápido acceso a Internet.
Samsung S6700
O terceiro dispositivo da multinacional coreana que
Telefónica comercializará en exclusiva durante o primeiro semestre deste ano
será o Samsung S6700, un móbil de deseño ergonómico no que se combina o corpo
metálico en slide cunha atractiva pantalla de 2,4” TFT con calidade QVGA.
Ademais de ter cámara fotográfica de alta resolución e
acceso a Internet de alta velocidade como os anteriores, este dispositivo
destaca por contar con ferramentas de software como ShozZu, que permite subir
de dorma doada imaxes ou vídeos á Rede ou Google, lector de RSS e de
documentos.
Trátase dun dispositivo “moi axeitado” segundo os seus distribuidores, “para aqueles usuarios que desecan ter as prestacións máis avanzadas a
un precio máis que razonable”.